HomeBlogHerstelplanneAlgemeenEp 10: Sitrusboere help só

Ep 10: Sitrusboere help só

Beskrywing:

Mari Hudson stel jou voor aan ’n sakeman van Kirkwood, en ons hoor wat die sitrusboere van die Sondagsriviervallei doen, en dit is veel meer as om rioolpompe in stand te hou.

Luister hier na die potgooi:

Gebruik die Op/Af knoppies om die volume te verhoog of te verlaag.

Kyk na enkele van die vele gesigte van die vallei

Die Sondagsriviervallei is ‘n mooi groen vallei wat herinner aan die Laeveld.
Die wintermaande is pluk- en pakseisoentyd, en is die pakhuise in die vallei baie besig.
Die hele vallei se water is afkomstig van die Gariepdam via die innoverende Visrivier-tonnel-skemas wat die water tot in die Darlington dam lei en vandaar in kanale na die vallei. Die kanaalstelsel verskaf tans ook water aan Nelson Mandelabaai, waar gebrekkige langtermyn waterbeplanning bygedra het om die metropool in ‘n krisis te dompel. Om die waarheid te sê, sonder dié water sou Nelson Mandelabaai al ver verby dag zero wees.
‘n Pragtige tuin in Oranjesingel
Onwettige kragverbindings in Aquapark. Dit word binne 24 uur nadat die SRV Munisipaliteit dit ontkoppel, weer onwettig gekoppel en munisipale werkers word ook gedreig.
Elke middag 4 nm kry die kinders van Aquapark kos by die sopkombuis wat deur Samantha Hendricks en ander vrywilligers bedryf word. Die kinders, en daar is baie, kry eerste kos, en as daar voldoende kos is, kry die volwassenes kos. Die sopkombuis is op die fondasies van die oorspronklike gemeenskapsentrum in die woongebied, wat jare gelede deur die inwoners aan die brand gesteek en afgebreek is uit frustrasie vir swak dienslewering. Dit is nog nooit weer herbou nie. Samantha wil graag langs die fondasies ‘n creche oprig vir die kinders wat bedags sonder volwasse sorg is.Daar is ook sopkombuise in ander woongebiede.
Op Enon is ‘n 203 jaar oue Morawiese Sendingstasie.
Vyf oulike seuns van Enon wat ek ontmoet het op my besoek aan Enon, die dorpie wat 203 jaar gelede rondom die Morawiese Sendingstasie ontstaan het. Die dorp het grondpaaie, wat ‘n goei skraap benodig. Die water loop in die pad af na ‘n baie goeie reënbui. Dié pad loop langs die Afrikaanse laerskool, met sowat 300 leerlinge, verby en af tot teen die terrein van die sendingstasie met sy ou kerkie, pastorie en geboue. Die meeste kinders van Enon gaan na die Afrikaanse hoërskool St Colmcille in Bergzicht, Kirkwood. Hulle gaan dan met minibusse die sowat 12 km na die skool. Hoe die voertuie se asse dit hou deur van die dongas in die strate van die dorp, is verstommend. Hoe gouer die paaie geskraap kan word, des te beter.
Die ‘mission store’ van die sendingstasie
Die ou Morawiese kerkie wat steeds gebruik word.
‘n Vreemde rotsformasie wat soos ‘n muur lyk, net anderkant die begraafplaas, wat nou netjies is, baie naby aan die draad van die Addo Olifant Park.
Die spannetjie entrepeneurs wat tuisvullis verwyder.

Hulp vir dorpe met waterprobleme

Goeiedag,
 
Hoop dit gaan goed met die span.
 
Maskam Water het na die uitsending van Ons Mooi Dorp geluister, en ons bied ons advies en raad vir enige gemeenskap, wat sukkel met water en rioolprobleme aan verniet.
Gerhard Cronje, ons Hoof Uitvoerende Beampte het ‘n passie vir ons waterbronne en gemeenskappe, en hy glo dat ons ‘n verskil kan maak deur herwinning.
Ons bied ook geleenthede aan vir gemeenskappe om hulself te bemagtig, deur gebruik te maak van plaaslike verskaffers om ons sisteme en produkte te installeer, asook om hul die geleentheid te gee om hul besighede te groei, deur herverkopers en handelaars te word van Maskam Water.
 
Daarom is ons beskikbaar om te help in enige dorp/gemeenskap wat ons raad en/of advies nodig het vir water en rioolprobleme vir julle program.
 
Ons kan ‘n virtuele vergadering opstel om verder te gesels.  Laat my weet wanneer die span sal pas, en dan kan ons skeduleer.
 
Maskam Groete,

Soortelyke plasings:

Die gebied gevul met sonpanele verdwerg die werkers.

Ep 99: Sonkragstelsels: Kies só reg! (Deel 2)

Maak doodseker dat jy ’n goeie installeerder vir jou huis of sakeonderneming se sonkragstelsel kies, want dinge kan skeefloop as een van die honderde nuwe ‘installleerders’ wat oornag opgeskiet het,

Die gebied gevul met sonpanele verdwerg die werkers.

Ep 98: Sonkragstelsels: Kies só reg! (Deel 1)

Moeg vir beurtkrag? Oorweeg jy ’n sonkragstelsel? Watter sonpanele moet jy kies? En watter battery? Prof Johan Rens, verbonde aan die departement Elektriese, elektroniese en rekenaar-ingenieurswese aan die NWU, verduidelik

Deel hierdie: