Beskrywing:
Wat moet Suid-Afrika doen om moderne sonplase te bou om goedkoper sonkrag te lewer as Eskomkrag, en mededingend te bly in die wêreldekonomie.
Marí Hudson gesels met Prof Vivian Alberts, een van die wêreld se voorste sonkragkenners.
Luister na die derde episode in die kort reeks oor sonkrag in My Mooi Dorp, die program om dorpe en gemeenskappe the help om funksionerend en florerend te word.
Luister hier na die potgooi:
Gebruik die Op/Af knoppies om die volume te verhoog of te verlaag.
Agtergrond-inligting oor DEWA
Kyk na die ontwikkeling van die wêreld se grootste enkel-gebied sonplaas net buite Dubai:
Ander dele van die wêreld spog ook reeds met reuse sonenergie-plase: https://edition.cnn.com/style/article/mbr-solar-park-dubai-desert-intl/index.html
Hoe kies jy die beste sonpanele in SA?
Prof Vivian Alberts antwoord:
Oor son-aanlegte en sonplase betreffende nuwe tegnologie (wat nie in SA beskikbaar is nie): Die beskikbaarheid van die nuutste tegnologie in SA sal bepaal word deur die land se vermoë om lokale kundigheid te ontwikkel en om lewensvatbare industrieë te vestig. Dit is nie onmoontlik nie, maar die huidige regerinsbeleid sal drasties aangepas moet word om die ontwikkeling in groen tegnologieë te stimuleer. Tot nou toe was daar net leë beloftes en/of skadelike optrede teen die oprigting van lokale PV vervaardigingsaanlegte.
Op jou huis se dak: Vir huishoudelike toepassings moet jy navors wat in die mark beskikbaar is. Omskakelingseffektiwiteit moet bo 20% wees met waarborge rondom tussen 20 -25j.
